Ylli i Tottenhamit, Harry Kane ka zbuluar se përdor Cristiano Ronaldon dhe Lionel Messin si motivim për të qenë njëri nga lojtarët më të mirë në botë.

24-vjeçari ka nisur sërish në formë të shkëlqyer sezonin duke shënuar shtatë gola brenda shtatë ndeshjeve në të gjitha kompeticionet, transmeton portali arbresh.info.

Kane ka thënë se krahasimi me yllin e Real Madridit, Ronaldon, dhe mjeshtrin e Barcelonës, Messin, i ka dhënë atij motivim të madh.

“E kam shfrytëzuar këtë”, ka thënë fillimisht reprezentuesi i Anglisë.

“Për shkak të rrjeteve sociale këto ditë është vështirë për të qëndruar larg nga kjo. Dua të bëhem njëri nga lojtarët më të mirë në botë, prandaj kur njerëzit i shqyrtojnë këto, e shohin se jam afër këtyre lojtarëve, është një nxitje e madhe për t’iu afruar edhe më shumë dhe për të bërë hapin tjetër”

Ndeshja e ardhshme e Tottenhamit është ajo në Ligë të Kampionëve sonte (e martë) kundër Apoelit./arbresh.info/